فضيحة من العيار الثقيل ... ناري و نهاية القصة ؟؟؟ |||||♥♥●

وبعد طول انتظار ... اجى يوم الجمعة و اخيرا ..

و قلت لحالي هالمرة لا بدي اعمل مكياج ولا بدي زبط حالي

رح كون متل ما انا على طبيعتي احسن

و صار الليل و كان ليل طوووووووووووووووووووويل و ما كان يخلص

و بعد تقلب و سهر و تعب اجى الصبح

و اشرقت الشمس .. الذهبية ..(ياعيني على التفنن بالكلام)

و انا انتظرت وقت الموعد المحدد و شو صعب الانتظااااااااااار

و صار الوقت و بدا قلبي يدق بسرعة

جهزت حالي .. و زبطتت اموري .. و اتعطرت بس ما حطيت ميك آب ..

و رحت على الموعد و ايدي على قلبي ,,((اصلا طاير عقلي ))

وصلت ع المكان متاخرة عن موعدي 10 دقايق

ولا بيجي الشب بيقلي .. أنا انسان بحترم مواعدي

و انت اتاخرتي كتير ..

((ولي من اولها روزة انا ما بحب هيك .. بس يلا رح مشيها ))

اسفة بس انت بتعرف الموصلات ..

طيب كنتي اعملي حسابك للمواصلات

((لعمى هاد زودها كتير .. ليش هيك عم يحاكيني ))

طيب خلص المرة الجاية (( هي اذا كان في مرة جاية ))

اتفضلي .. بتحبي نقعد هون و لا هونيك ..

انا وين ما بتحب ..

لا على راحتك انتي ..

انا ... بفضل نقعد هون لو سمحت ..

هو : لا أنا شايف هونيك مافي شمس

(( اللهم طولك يا روح ))

أنا : طيب اتقضل ,,

و بعد ما قعدنا بلش الحديث

و حاكيني يلي رح تسمعو .. وبين قوسين شو كنت عم قول بقلبي

انا متل ما بتعرفي من عائلة عريقة كتير بالشام

((خير ان شاء الله ))

و جدي الاول .. كان اقطاعي

((شي حلو ))

و جدي التاني راسمالي

((على احلى ))

و انا مسافر و رايح بلدان و مو تارك و لا مبقي

رحت فرنسا . ايطاليا . اليونان . دبي . اميركا

(( ايه شو بدي اعملك يعني ؟؟))

و بحياتي كان في كتير علاقات ..!!

متل ما بتعرفي انا جذاب كتير

((يا حبيبي شي بيعبي المخ تمام ..لا جذاب ))

و انا ما كان يعجبني العجب انا بدي بنت مختلفة ..

((شلون مختلفة يعني ؟؟ راسها مقلوب و لا بتمشي بالمقلوب ))

متلك ..

((متلي لا عم تحلم ))

بس انتي ليش ساكتة ؟؟

... أنا .. عم اسمع حديثك الشيق

طبعاً انا بيقولو عني اني متحدث لبق

((ايه حاجة بقى وجعني راسي منك و من حديثك ولي شو شايف حالك ..

وهون خطر ببالي فكرة ))

قلتلو انا صار لازم امشي

ما.. لسا ما حكينا ..!!

قلتلو لآ بس انا كونت فكرة منيحة عنك

..... و اتعرفت منيح على عيلتك ..

هو .... اي لسا ما حكيت عن اهل امي كمان

انا هون قلت ..

انا جدي الاول كان عامل بالقطار

و جدي التاني .. كان موظف عادي

و ابي ... نجار موباليا

و انا ابعد من محافظة حمص ما رحت ...(يعني بس المحافظات السورية )

و اتشرفت بمعرفك

و فرصة سعيدة

و نصيحة مرة تانية .. لا تشوف حالك كتير ,, لان كل منيح في يلي احسن منو

يلا باي

و رجعت ع البيت معصبة و طالع خلقي و شفت المراة العجوز كمان

كنت بدي اضربها ..

و لسا ما فتحت الباب ...

رن التلفون

**

هو

قال انا اسف بس و الله انا كتير معجب فيكي .. و ياريت نضل على اتصال

انا رديت عليه بدي فكر بالموضوع

و لبين ما قرر

بتركمم بخير و سلامة

و مع السلامة